Бишкек-Ош жолунда эки унаа кагышып, эки адам ооруканага жеткирилди

Бишкек-Ош жолунда эки унаа кагышып, эки адам ооруканага жеткирилди
13-Май 2019, Дүйшөмбү, 10:59

Бишкек-Ош унаа жолунда эки жеңил унаа кагышып, эки адам жабыркады. Бул тууралуу бүгүн, 13-майда Өзгөчө кырдаалдар министрлигинен билдиришти.

Маалыматка ылайык, кечээ, 12-майда күнү саат 08:30 чамасында аталган жолдун 427-чакырымында (Күрп-Сай тилкеси) “Хонда-Степ” үлгүсүндөгү унаа менен “Тойота-Камри” унаасы кагышкан. Жол кырсыктын кесепетинен Тойота унаасындагы эки жүргүнчү жабыркап (22 жаштагы С.Ж. аттуу жигит менен 54 жаштагы К.А. аттуу аял) тез жардам кызматынын унаасында Кара-Көл шаардык ооруканасына жеткирилген.

"Кырсык болгон жерге ӨКМнин №94 Өрт-куткаруу бөлүмүнүн куткаруучулары тартылып, жабыркагандарды тез жардам кызматынын унаасына салып беришкен",- деп айтылат маалыматта.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!