Кытай мамлекети ИИМге материалдык жардам көрсөтөт

Кытай мамлекети ИИМге материалдык жардам көрсөтөт
14-Май 2019, Шейшемби, 16:04

14-майда Ички иштер министри Кашкар Джунушалиев Кытай Эл Республикасынын мамлекеттик кеңешинин мүчөлөрү жана Коомдук коопсуздук министри Чжао Кэчжи менен жолукту. Бул тууралуу ИИМдин басма сөз кызматы кабарлады.

Маалыматка караганда, жолугушуунун алкагында эки өлкөнүн коопсуздугун жана туруктуулугун бекемдөө максатында мындан ары кызматташууну өнүктүрүү маселелери боюнча пикир алмашуулар болду.

Андан сырткары, “Кыргыз-Кытай” газ өткөрүү жолдорунун коопсуздугун камсыздоо боюнча кызматташууну күчөтүү тууралуу” жана “Ички иштер министрлиги менен Кытай мамлекетинин коомдук коопсуздук министрлигинин ортосунда кайтарымсыз негизде Ички иштер министрлигине материалдык-техникалык жардам көрсөтүү жөнүндө” эки протоколго кол коюлду. Анда ИИМге 30 миллион юань суммасындагы жабдыктарды (полициялык) берүү пландалууда.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР