Рыспаев:"​Айып пулдардын өлчөмүн өтө жогору коюп алыптырбыз"

Рыспаев:
16-Май 2019, Бейшемби, 11:48

Бүгүн, 16-майда Жогорку Кеӊеш жыйынында депутат Кожобек Рыспаев:"Жол коопсуздугу боюнча айып пулдардын өлчөмүн өтө жогору коюп алыптырбыз, аны азайтыш керек. Калктын азыркы социалдык абалын эске алыш керек да. Азыр калктын 20 пайызы гана андай айыптарды төлөй алат. Эгер мындай кырдаал улана берсе, туӊгуюкка такалабыз",- деп билдиргенин парламенттин басма сөз кызматынан кабарлашты.

«Мен бул маселени башынан бери айтып келем, жыйынтыгы жок. жол коопсуздугунун эрежелерин толук сактоого шарт түзүлгөн эмес, ошондон улам айрым учурларда эрежени бузууга аргасыз болот экенсиӊ. Адегенде тийиштүү шарттарды түзүп, андай кийин айып салыш керек», - деди депутат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР