Кашкар Жунушалиев Нарын облусуна иш сапары менен барды

Кашкар Жунушалиев Нарын облусуна иш сапары менен барды
16-Май 2019, Бейшемби, 15:39

16-май күнү ички иштер министри Кашкар Джунушалиев Нарын облустук ички иштер башкармалыгынын кызматкерлери жана ардагерлери менен жолугушту.

Анда Нарын ОИИБнын имаратында жайгашкан медициналык кызматтын имараты менен таанышып чыкты. Милиция кызматкерлеринин жана ардагерлердин ден соолугуна кам көрүү максатында министр Кашкар Жунушалиевдин тапшырмасы менен Нарын облустук милиция кызматкерлери үчүн атайын медициналык кызмат түзүлүп, стационардык дарыланууга мүмкүнчүлүк ачылды.

Учурда ден соолукту чыңдоого бардык шарттар жана мүмкүнчүлүктөр түзүлгөн. Мында мыкты шарттарды министр өз көзү менен көрүп дарыгерлердин ишмердүүлүгүнө ыраазычылыгын билдирди. Андан соң курулуп ишке берилген эки кабаттуу спорт комплекси жана ок атуучу атайын жайдын да абалы менен жакындан таанышты.

Ушул эле күнү Кашкар Джунушалиев “2019-жыл региондорду өнүктүрүү жана өлкөнү санариптештирүү жылынын алкагында” Нарын облустук милициянын имаратында “Бирдиктүү терезе” принциби боюнча иштеген мамлекеттик кызматтарды көрсөтүү борборун ачуу аземине катышты.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР