Добуш сатып алуу сыяктуу мыйзамсыз аракеттерге жоопкерчиликти күчөтүү сунушталды

Добуш сатып алуу сыяктуу мыйзамсыз аракеттерге жоопкерчиликти күчөтүү сунушталды
23-Май 2019, Бейшемби, 15:35

Бүгүн, 23-майда Жогорку Кеӊеш жыйынында шайлоо мыйзамдарын өркүндөтүү стратегиясынын алкагында депутатар тобу тарабынан иштелип чыккан конституциялык мыйзам долбоорлорунун топтомун талкуулоо улантылды.

Жогорку Кенштин басма сөз кызматынан кабарлашкандай, талкууда депутат Умбеталы Кыдыралиев чет өлкөлөрдө мекендештердин шайлоого катышуусун камсыздоо максатында алар көп жашаган шаарларга консулдуктарды ачуу керектигин белгиледи.

Депутат Руслан Казакбаевдин айтымында, шайлоолордо эл аралык, жергиликтүү байкоочулар, жалпыга маалымдоо каражаттарынын өкүлдөрү канчалык көп болсо, шайлоонун ачык-айкындуулугу, таза өтүшү ошончолук жакшы болоорун айтып, демилгечилерди мыйзам долбоорунда бул жагдайды эске алууга чакырды. Ошондой эле эл өкүлү шайлоочулардын тизмеси добуш берүүгө бир ай калганда өзгөрбөшү керектигин белгиледи.

Депутат Төрөбай Зулпукаров шайлоолордогу добуш сатып алуу сыяктуу мыйзамсыз аракеттер үчүн жоопкерчиликти күчөтүүнү сунуш кылды. Мындан сырткары, Зулпукаров гендер түшүнүгүнүн башка дагы түрлөрү бар экенин чечмелеп, мыйзамдарга аял менен эрекектин теӊ укуктуулугу деген так, даана, жөнөкөй терминди пайдалануу керек деген пикирин ортого салды.

Сунушталган мыйзам долбоорлоруна карата депутат Бакыт Төрөбаев долбоорлордо олуттуу өзгөртүүлөр дээрлик жок, киргизилген түзөтүүлөр техникалык мүнөзгө гана ээ деп баа берди. Төрөбаев аталган мыйзам долбоорунун демилгечилерине башка депутаттар тарабынан иштелип чыккан альтернативдүү долбоорлорду дагы карап чыгып, андагы олуттуу түзөтүүлөрдү эске алууга чакырды.

Жыйынтыгында аталган бир пакет менен киргизилген мыйзам долбоорлору 1-окууда добуш берүүгө жиберилди.

Белгилей кетсек, “Кыргыз Республикасынын Президентин жана Жогорку Кеңештин депутаттарын шайлоо жөнүндө”, “КР референдуму жөнүндө” конституциялык мыйзамдарга өзгөртүүлөрдү киргизүү тууралуу” конституциялык мыйзам долбоору, “Жергиликтүү кеңештердин депутаттарын шайлоо жөнүндө” мыйзамга өзгөртүүлөрдү киргизүү тууралуу” мыйзам долбоору, “КР шайлоо жана референдум өткөрүү боюнча шайлоо комиссиялары жөнүндө” мыйзамга өзгөртүүлөрдү киргизүү тууралуу» мыйзам долбоору, “КР айрым мыйзам актыларына (“Жергиликтүү өз алдынча башкаруу жөнүндө”, “Жергиликтүү кеңештердин депутаттарынын статусу жөнүндө”, “Борбордун статусу жөнүндө”, “Ош шаарынын статусу жөнүндө” мыйзамдарга) өзгөртүүлөрдү киргизүү тууралуу» мыйзам долбоору бир пакет менен талкууга сунушталган.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР
Орозова: Качанкыга чейин чындыкты айткандарды суракка чакыра беришет?!
Орозова: Качанкыга чейин чындыкты айткандарды суракка чакыра беришет?!
Эдвард Сноуден өлкөсүнө кеткиси келди
Эдвард Сноуден өлкөсүнө кеткиси келди
Эшимбеков Кыргызстандын Катардагы элчиси болуп дайындалды
Эшимбеков Кыргызстандын Катардагы элчиси болуп дайындалды
​Ысык-Көлдө өзүнүн айылдашын зордуктоого шектелген жигит кармалды
​Ысык-Көлдө өзүнүн айылдашын зордуктоого шектелген жигит кармалды
Адам организминде эң маанилүү орган кайсы деп ойлойсуз?
Адам организминде эң маанилүү орган кайсы деп ойлойсуз?
Баасы 500 миң долларлык ташты мыйзамсыз алып өтмөк болушкан
Баасы 500 миң долларлык ташты мыйзамсыз алып өтмөк болушкан
Бишкекте кийинки жылы жаңы эки парк ачылат (эскиздер)
Бишкекте кийинки жылы жаңы эки парк ачылат (эскиздер)
​“Алтын топ” сыйлыгын реформалоо сунушталды
​“Алтын топ” сыйлыгын реформалоо сунушталды
Салмагы 784,53 килограммдык салат даярдалды
Салмагы 784,53 килограммдык салат даярдалды
Чыпалак Баатыр дүйнөдө жок фотосессия кылды
Чыпалак Баатыр дүйнөдө жок фотосессия кылды
 Товарларды идентификациялоо каражаттары жөнүндө жобо бекитилди
Товарларды идентификациялоо каражаттары жөнүндө жобо бекитилди
​Күйөрмандар хоккейчини катуу сабашты (видео)
​Күйөрмандар хоккейчини катуу сабашты (видео)
Нью-Йоркто БУУнун Башкы Ассамблеясынын жыйыны башталат
Нью-Йоркто БУУнун Башкы Ассамблеясынын жыйыны башталат
Баланын дене табы көтөрүлүп, калтырап баштаганда эмне кылуу керек?
Баланын дене табы көтөрүлүп, калтырап баштаганда эмне кылуу керек?
Расул Маматкулов менен Гүлзина Чотоновадан “Кызгалдак” ыры (видео)
Расул Маматкулов менен Гүлзина Чотоновадан “Кызгалдак” ыры (видео)
Баскетбол клубу эн тамгасы менен спорттук хиджаб чыгарды
Баскетбол клубу эн тамгасы менен спорттук хиджаб чыгарды