Жамалдинов: "Суу чарба департаментин өз алдынча мекемеге айлантуу зарыл"​

Жамалдинов:
30-Май 2019, Бейшемби, 16:32

Бүгүн, 30-майда Жогорку Кеӊеш жыйынында депутат Зиядин Жамалдинов Айыл чарба министрлигинин курамынан Суу чарба департаментин алып чыгып, өз алдынча мекемеге айлантуу зарыл экенин айтып чыкты.

"Айыл чарба, тамак-аш жана мелиорация министрлигинин курамында департаменттер көп, аткара турган иш-милдети да арбын, ошондон улам жарытылуу деле иш жасалбайт калды. Ал эми Кыргызстанда сугат суу менен камсыз кылуу – өтө маанилүү маселе. Ошондуктан, Суу чарба департаментин министрликтин курамынан алып чыгып, өз алдынча мекемеге айлантуу зарыл",- деди Жамалдинов.

"Менимче, өлкө экономикасын чындап эле көтөрөлү, айыл чарбасын өнүктүрөлү, элеттиктердин турмушун жакшырталы десек, Суу чарба департаментин өзүнчө министрликке же комитетке айлантыш керек. Эксперттердин айтымында, суу башында турабыз дегенибиз менен, агын суунун көлөмү жылдан-жылга азайып барат. Мындай тенденция бүикүл дүйнө боюнча байкалууда. Ошондуктан, Кыргызстан үчүн мындай жаӊы түзүм өтө зарыл", - деп кошумчалады депутат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!