УКМК: Икрам Илмияновго карата тергөө иши аяктады

УКМК: Икрам Илмияновго карата тергөө иши аяктады
17-Июнь 2019, Дүйшөмбү, 10:58

Экс-президент Алмазбек Атамбаевдин мурдагы кеңешчиси Икрам Илмияновдун кылмыш ишин тергөө аяктады. Бул тууралуу Улуттук коопсуздук боюнча мамлекеттик комитет (УКМК) кабарлады.

Ага алдоо жолу менен 150 миң АКШ доллар акча каражатын мыйзамсыз ээлеп алуу фактысы боюнча кылмыш иши козголгон эле.

“10-июндагы тергөөнүн жыйынтыгында Икрам Илмиянов Кылмыш-жаза кодексинин “Өзгөчө ири өлчөмдө жасалган алдамчылык” беренеси боюнча кылмыш жасагандыгы тууралуу маалымдалып, андан кийин тергөө аягына чыккандыгы жарыяланды”, – деп айтылат УКМК тараткан маалыматта.

Азыркы учурда ал жактоочусу менен бирге козголгон ишинин материалдары менен таанышып жатат.

Алмазбек Атамбаевдин мурдагы кеңешчиси Икрам Илмиянов өткөн жылдын 20-октябрында кармалган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!