Ишкерлерден акча талап кылган кызматкер пара менен кармалды (видео)

Ишкерлерден акча талап кылган кызматкер пара менен кармалды (видео)
17-Июнь 2019, Дүйшөмбү, 11:32

Бишкектин Октябрь райондук акимиятынын кызматкери пара алып жаткан жеринен кармалды. Бул тууралуу Экономикалык кылмыштарга каршы күрөшүү кызматы (Финансы полициясы) кабарлады.

Маалыматка караганда, Финансы полциясына жеке ишкер кайрылып, акимияттын экономика жана каржы бөлүмүнүн сектор башчысы ай сайын акча талап кылып жатканын кабарлаган.

Иликтөө иштеринин натыйжасында кызматкерлер соода-жайларынын биринде бизнес кылган жеке ишкерлерден ай сайын 100 миң сомдон көп акча жыйнап турганы аныкталды.

Ошентип, Финансы полициясы акча талап кылган кызматкерди 14 миң сом пара алып жаткан жеринен колго түшүрдү. Учурда кылмышка шектүү кызматкер Бишкектин №1 тергөө абагына киргизилди.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!