Бишкек-Ош унаа жолунда 2 адам жол кырсыгынан каза болду

Бишкек-Ош унаа жолунда 2 адам жол кырсыгынан каза болду
10-Июль 2019, Шаршемби, 12:29

Бишкек-Ош унаа жолунда 2 адам жол кырсыгынан каза болду. Бул тууралуу бүгүн, 10-июлда Жалал-Абад облустук Жол кыймылынын коопсуздугун камсыздоо башкармалыгынан кабарлашты.

Маалыматка караганда, кечээ, 9-июлда саат 15:30дар чамасында жогоруда аталган унаа жолдо "Фольксваген" үлгүсүндөгү минибус менен "Рено" үлгүсүндөгү жүк ташуучу унаа сүзүшкөн.

Минибус Майлуу-Суу шаарынан Бишкек шаарын көздөй бара жаткан. Унаанын ичинде 8 адам болгон. Кырсыктын кесепетинен 2 адам каза болуп, ар кандай жаракат алган 6 адам Кара-Көл шаардык ооруканасына жеткирилген. Ал эми "Рено" жүк ташуучу унаасы Бишкек шаарынан Ошко бараткан.

Кырсыкка кабылган эки унаанын айдоочулары жеңил жаракаттарды алышкан. Учурда жол кырсыгы эмнеден улам келип чыккандыгы такталууда. Ошондой эле тийиштүү экспертизалар дайындалды.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!