Аланьяда каза болгон жигиттин сөөгү мекенине жөнөтүлөт

Аланьяда каза болгон жигиттин сөөгү мекенине жөнөтүлөт
10-Июль 2019, Шаршемби, 15:38

Түркиянын Аланья шаарында октон улам каза болгон 23 жаштагы кыргызстандык жигиттин сөөгү мекенине жөнөтүлөт. Бул тууралуу бүгүн, 1-июлда Тышкы иштер министрлигинен кабарлашты

Маалыматка ылайык, 7-июлунда М.Иманалиев аттуу кыргыз жараны белгисиз адамдар тарабынан атып өлтүрүлгөн. Түркиянын тиешелүү укук коргоо органдары тарабынан кылмышка шектүү катары түрк жарандары кармалган. Учурда ыкчам-тергөө иштери жүрүүдө. Кылмыштын чоо-жайы такталууда.

Стамбул шаарындагы Кыргызстандын Башкы консулдугу тарабынан маркумдун сөөгүн "Анталя-Стамбул-Бишкек" каттамы аркылуу мекенине жеткирүү маселеси каралууда. "Стамбул-Бишкек" каттамы боюнча авиакомпаниялардын бири менен сөөктү бекер жеткирүү боюнча сүйлөшүүлөр жүргөн.

Ал эми Анталиядан Стамбул шаарына чейинки жол кире менен башка чыгымдарды маркумдун иштеген жери төлөп берет.

Белгилей кетсек, 7-июль күнү Түркиянын Аланья шаарында 23 жаштагы кыргызстандык жаран 40 жаштагы бир киши менен чырлаша кеткен. Чырдан улам кыргыз жаранын түрк жараны атып, окуя болгон жерден качып кеткен.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!