Өкмөт машыктыруучулардын эмгек акысын 50 пайызга көбөйттү

Өкмөт машыктыруучулардын эмгек акысын 50 пайызга көбөйттү
18-Июль 2019, Бейшемби, 09:49

Өкмөт машыктыруучулардын эмгек акысын – 50%, дене тарбия жана спорт мекемелеринин кызматкерлеринин эмгек акысын – 20% көбөйттү. Бул тууралуу бүгүн, 18-июлда өкмөттүн басма сөз кызматынан билдиришти.

Маалыматка караганда, тийиштүү чечимге премьер-министр Мухаммедкалый Абылгазиев кол койду.

"Кабыл алынган токтом 1500 дөн ашуун машыктыруучулардын жана дене тарбия жана спорт мекемелеринин 400 гө жакын кызматкерлеринин эмгек акысын көбөйтөт",- деп айтылат маалыматта.

Белгилей кетсек, акыркы жылдары дене тарбия жана спортту өнүктүрүүдө чоң секирик жасалды. Алсак, 2018-жылы Джакарта шаарында (Индонезия) өткөн 18-Азия оюндарында тарыхый ийгиликке жетип, биздин спортчулар биринчи жолу 20 медалга ээ болушту, алардын ичинен 3 алтын.

Мындан тышкары 2018-жылы Футбол боюнча улуттук курама командабыздын футбол боюнча Азия Кубогунун финалдык бөлүгүнө тарыхта биринчи жолу жолдомо алып, 2019-жылдын башында Бириккен Араб Эмираттарында өткөн Азия Кубогунда ишеничтүү оюн көрсөтүп, өз тайпасынан чыгып, кийинки плей-офф баскычына чейин жеткени дагы чоң жетишкендик болду. Муну менен бирге ден соолугунан мүмкүнчүлүгү чектелген спортчулардын жеңген медалдарынын саны өстү.

Спортчулардын эл аралык спорттук аренадагы жыйынтыктары – бул машыктыруучулардын, спортчулардын жана дене тарбия жана спорт мекемелеринин кызматкерлеринин талыкпаган ишинин жемиши.

Бул эмгекти баалап, өкмөт машыктыруучуларды жана спортчуларды эл аралык аренада жогорку спорттук натыйжаларга жетишүүгө шыктандырууга багытталган ченемдик-укуктук актыларды кабыл алды.

Ошондой эле «Өкмөттүн 2018-жылдын 23-ноябрындагы № 554 «Кыргызстандын алдыңкы спортчуларына берилүүчү стипендиялар жөнүндө жобону бекитүү жөнүндө» токтомуна өзгөртүүлөрдү киргизүү тууралуу» өкмөттүн токтому кабыл алынды.

Бул токтом спортчулардын эл аралык мелдештерде жогорку натыйжаларга жетишкендиктери үчүн стипендия төлөп берүү мүмкүнчүлүгүн оптималдаштырууга багытталган.

Мунун натыйжасында:

- олимпиадалык резервдин өнүгүүсүнө өбөлгө түзүлөт;

- Олимпиадалык жана Паралимпиадалык оюндарына катышууга линцензияга ээ болгон спортчуларга стипендия берилет (бул алардын көрсөтүлгөн мелдештерге даярдыктарынын сапатын жакшыртат);

– спорттун сурдлимпиадалык түрлөрү боюнча Дүйнө чемпиондоруна жана байге ээлерине стипендия берилет;

- спорттун паралимпиадалык түрлөрү боюнча Дүйнө чемпионаттын жана Дүйнө кубогунун чемпиондоруна жана байге ээлерине стипендия берилет;

- А категориясындагы эл аралык мелдештердин чемпиондоруна жана байге ээлерине стипендия берилет.

Кыргызстандын алдыңкы спортчуларына берилүүчү стипендиялар жөнүндө жобого ылайык стипендиялардын өлчөмдөрү календардык жыл ичинде спортчулар көрсөткөн спорттук натыйжаларга жараша, дене тарбия жана спорт чөйрөсүндөгү ыйгарым укуктуу мамлекеттик органдын бюджеттик каржыланышынын чегинде белгиленет жана стипендиаттарга ай сайын төлөнөт.

Стипендиялар спорттун олимпиадалык, паралимпиадалык, сурдлимпиадалык түрлөрү боюнча – 7 категорияга, спорттун улуттук түрлөрү боюнча – 3 категорияга жана спорттун олимпиадалык эмес түрлөрү боюнча – 4 категорияга бөлүнөт:

1) спорттун олимпиадалык, паралимпиадалык, сурдлимпиадалык түрлөрү:

- I категория – 75,0 (жетимиш беш) миң сом;

- II категория – 60,0 (алтымыш) миң сом;

- III категория – 50,0 (элүү) миң сом;

- IV категория – 40,0 (кырк) миң сом;

- V категория – 30,0 (отуз) миң сом;

- VI категория – 20,0 (жыйырма) миң сом;

- VII категория – 10,0 (он) миң сом;

2) спорттун улуттук түрлөрү:

- I категория – 25,0 (жыйырма беш) миң сом;

- II категория – 20,0 (жыйырма) миң сом;

- III категория – 15,0 (он беш) миң сом;

3) спорттун олимпиадалык эмес түрлөрү:

- I категория – 20,0 (жыйырма) миң сом;

- II категория – 15,0 (он беш) миң сом;

- III категория – 10,0 (он) миң сом;

- IV категория – 8,0 (сегиз) миң сом.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР
Нидерланды менен Германия “климат” алкагында бирге иштешет
Нидерланды менен Германия “климат” алкагында бирге иштешет
Жээнбеков: Энерготармак токтоосуз реформаларга муктаж
Жээнбеков: Энерготармак токтоосуз реформаларга муктаж
Ретро стилиндеги электрокар ушул күздө көрсөтүлөт
Ретро стилиндеги электрокар ушул күздө көрсөтүлөт
Кытайлык жаран мээсиндеги курт менен 30 жыл жашаган
Кытайлык жаран мээсиндеги курт менен 30 жыл жашаган
Барак Обама 15 миллион долларга үй алат
Барак Обама 15 миллион долларга үй алат
Ыктытканды кантип токтотсо болот?
Ыктытканды кантип токтотсо болот?
 Разаков «Ак-Тилек» пунктунда салмак көзөмөлдөөчү тутумду орнотуунун жүрүшү менен таанышты
Разаков «Ак-Тилек» пунктунда салмак көзөмөлдөөчү тутумду орнотуунун жүрүшү менен таанышты
Белгилүү эколог Эмил Шүкүров көз жумду
Белгилүү эколог Эмил Шүкүров көз жумду
Кыргызстандык аял кыргыз-казак чек арасынан кармалды
Кыргызстандык аял кыргыз-казак чек арасынан кармалды
US Open: Серена Уильямс жана Мария Шарапова биринчи айлампада беттешет
US Open: Серена Уильямс жана Мария Шарапова биринчи айлампада беттешет
Ким Кардашьян кызы менен жылан оюнун ойноду (видео)
Ким Кардашьян кызы менен жылан оюнун ойноду (видео)
Сыймык Бейшекеев туулган күнүнө концерт тартуулайт
Сыймык Бейшекеев туулган күнүнө концерт тартуулайт
Айдана Дека менен Аваз Акимов той концерт коет
Айдана Дека менен Аваз Акимов той концерт коет
Эл аралык сотто Кыргызстан 24 млн долларга утулуп калды
Эл аралык сотто Кыргызстан 24 млн долларга утулуп калды
Илим Карыпбеков Финансы полициясына сурак берди
Илим Карыпбеков Финансы полициясына сурак берди
Конор Макгрегор улгайган адамды чапкандыгы үчүн кечирим сурады (видео)
Конор Макгрегор улгайган адамды чапкандыгы үчүн кечирим сурады (видео)