​​Бишкектеги "Али-Хан" ресторанынан чыккан өрттөн 3 киши түтүнгө ууланды

​​Бишкектеги
18-Июль 2019, Бейшемби, 11:12

Бишкектеги Жаш Гвардия бульвары менен Пушкин көчөлөрүнүн кесилишинде жайгашкан ресторандан чыккан өрттөн 3 киши түтүнгө ууланды. Бул тууралуу бүгүн, 18-июлда Өзгөчө кырдаалдар министрлигинен кабарлашты.

Маалыматка ылайык, аталган адректеги "Али-Хан" ресторанынан чыккан өрттү өчүрүүгө, ӨКМнин Бишкек шаары боюнча башкармалыгынын Өрт-куткаруу бөлүктөрүнөн жалпы 5 бөлүм, куткаруу кызматынан 5 куткаруучу жана Кризистик кырдаалдарда башкаруу борборунун ыкчам тобу, ошондой эле Коомдук тартипти сактоо кызматынан 10 кызматкер тартылган.

"Анын натыйжасында ресторандан чыккан өрт саат 20:05те толук өчүрүлгөн. Өрттүн кесепетинен "Али-Хан" ресторанынын, "Асем" сулуулук салонунун жана "Портфель" дүкөнүнүн 700 ч.м. чатыры күйгөн. Мындан сырткары 3 эркек киши түтүнгө ууланышып, ооруканага жаткырылган, абалдары туруктуу",- деп айтылат маалыматта.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!