Кыргыз-тажик чек арасында абал туруктуу

Кыргыз-тажик чек арасында абал туруктуу
23-Июль 2019, Шейшемби, 10:26

Бүгүн, 23-июлда саат 7:30га карата маалымат боюнча кыргыз-тажик чек арасында абал туруктуу. Бул тууралуу Мамлекеттик чек ара кызматынан билдиришти.

Маалыматка ылайык, чыр чатак чыккан жерде чек арачылар күчөтүлгөн режимде иштеп жатат. Исфара-Ворух унаа жолу жабылып турат. Кыргызстан менен Тажикстандын чек арачылары, укук коргоо органдары, жергиликтүү бийлик өкүлдөрү жаңжалдын алдын алуу боюнча иш-аракеттерди көрүшүүдө.

Чыр чыккан аймакка кыргыз чек ара кызматынын башчысы Уларбек Шаршеев Баткен облусуна учуп кеткен.

Айта кетсек, кечээ, 22-июлда саат 17:20 чамасында Тажикстандын Ворух айылынын жашоочулары айылдын кире беришине флагшток орнотушкан. Ага Баткендин Ак-Сай айылынын жашоочулары нааразычылык билдиришип, чырлаша кетишкен. Анын натыйжасында жарандардын бири курал колдонуп, ок чыгарган. Жаңжалдан кыргыз тараптан 5 адам жаракат алып, ооруканага жеткирилген. Ошондой эле Исфара-Ворух жолу жабылган.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!