Балдарына документ албаган ата-энелерге салынган айыппулду алып салуу сунушталды

Балдарына документ албаган ата-энелерге салынган айыппулду алып салуу сунушталды
17-Авг. 2019, Ишемби, 11:42

Өкмөт Калкты документтештирүү боюнча улуттук кампанияны өткөрүүнү пландаштырууда. Анын алкагында 2019-жылдын 31-декабрына чейин жарандар балага туулгандыгы тууралуу күбөлүк ала алышат. Бул тууралуу бүгүн, 17-августта өкмөттүн басма сөз кызматынан кабарлашты.

Маалыматка ылайык, бул кампанияны ишке ашыруу деталдары вице-премьер-министр Алтынай Өмүрбекова тарабынан өткөрүлгөн жыйында талкууланды.

Ал эске салгандай, учурда 1200дөй баланын туулгандыгы тууралуу күбөлүгү жок. Анын айтымында, Өкмөт тарабынан БУУ Балдар фонду менен биргеликте пландаштырылган бул кампаниянын максаты – өлкөдө «көрүнбөгөн», документсиз балдардын болушуна жол бербөө болуп саналат.

«Балдарга документ берүү темасы дагы бир маанилүү маселени алып чыгат. Көпчүлүк учурда ата-энелердин өздөрүнүн документтери же паспорттору жок, демек алар балдарына туулгандыгы тууралуу күбөлүк ала алышпайт. КРнын Бузуулар жөнүндө кодексинин 275-беренеси «Баланын төрөлгөндүгүн каттоо мөөнөттөрүн бузуу» бар жана бул мөөнөттү бузуу үчүн эскертүү берилип же 1000 сом өлчөмүндө айып салынат. Айрым ата-энелер айыппул үчүн балдарына документ алууну создуктурушат, бул өз кезегинде балдар үчүн бир катар көйгөйлөрдү алып келет», – деди вице-премьер-министр.

Өмүрбекова Юстиция министрлигине 275-беренени Бузуулар жөнүндө кодексинен алып салуу мүмкүндүгүн кароону сунуштады. Анткени ата-энелер балдарын бала бакчаларга орноштуруу, жөлөкпул алуу үчүн документ алууга кызыкдар.

Ошону менен бирге Саламаттык сактоо министрлигине төрөт үйлөрүнө кош бойлуу аял документи жок түшсө, ал тууралуу маалыматты базадан табуу жана ыкчам түрдө балага документтерди даярдоо үчүн тиешелүү органдарга маалымат берүү тапшырылды. Бул үчүн «Түндүк» ведомстволор аралык электрондук өз ара аракеттенүү тутумун колдонууга болот.

Кеңешмеде билдирилгендей, жакын арада ведомстволор аралык мобилдик топ балдарга документ берүү иштерин жүргүзүшөт.

Кеңешменин жыйынтыгы боюнча Өмүрбекова белгилегендей, Калкты документтештирүү боюнча улуттук кампаниянын алкагында активдүү иштерди аткаруу керек.

Эмгек жана социалдык коргоо министрлигинин жана Билим берүү жана илим министрлигинин, жергиликтүү өз алдынча башкаруу органдарынын кызматкерлери балдарга документтерди жөнөкөйлөштүрүлгөн тартипте жана айып салуусуз алууга болору тууралуу калк арасында түшүндүрүү иштерин жүргүзүшөт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР
Кыргызстан 17,6 млн долларлык сүт азыктарын экспорттоду
Кыргызстан 17,6 млн долларлык сүт азыктарын экспорттоду
Түштүк Корея Кыргызстанга ГЭС курууга ниеттенүүдө
Түштүк Корея Кыргызстанга ГЭС курууга ниеттенүүдө
Бүгүнтөн тартып “Жашыл экономика” жумалыгы башталды
Бүгүнтөн тартып “Жашыл экономика” жумалыгы башталды
Тогуз айда өлкөгө Америкадан 23,4 миллион доллар жөнөтүштү
Тогуз айда өлкөгө Америкадан 23,4 миллион доллар жөнөтүштү
Министр Самат Курманкуловго
Министр Самат Курманкуловго "Эрдик" медалын тапшырды
Кара-Жыгачта №47 кесиптик лицейдин курулушуна капсула салынды
Кара-Жыгачта №47 кесиптик лицейдин курулушуна капсула салынды
Сүйүктүүсүн бычактаган профессор камалды
Сүйүктүүсүн бычактаган профессор камалды
Денеге жагымдуу скраб
Денеге жагымдуу скраб
Комузчу Нурзат Орозалиеваны Ат-Башыда акыркы сапарга узатышат
Комузчу Нурзат Орозалиеваны Ат-Башыда акыркы сапарга узатышат
Дүйнөгө белгилүү соода жайын суу каптады
Дүйнөгө белгилүү соода жайын суу каптады
​Шашылыш билдирүү: кар көчкү түшүүсү мүмкүн
​Шашылыш билдирүү: кар көчкү түшүүсү мүмкүн
Сынак комиссиясы 155 млн сомдон ашуун суммага 19 долбоорду жактырды
Сынак комиссиясы 155 млн сомдон ашуун суммага 19 долбоорду жактырды
Үй очогун жылуу сактап калуунун сырлары
Үй очогун жылуу сактап калуунун сырлары
Президент кадырлуу сыйлыкты уулуна ыйгарды
Президент кадырлуу сыйлыкты уулуна ыйгарды
Актилек Гүлжигит Кызы: “Баары эле “мен журналистмин” дей берген заман болду
Актилек Гүлжигит Кызы: “Баары эле “мен журналистмин” дей берген заман болду"
Бек Борбиев Пишкекте “Эски ырлар кечесин” өткөрөт
Бек Борбиев Пишкекте “Эски ырлар кечесин” өткөрөт