Аялды сүзүп өлтүргөн айдоочу изделүүдө

Аялды сүзүп өлтүргөн айдоочу изделүүдө
17-Май 2017, Шаршемби

Сокулук районунда жеңил унаа 30-35 жаштар чамасындагы аялды сүзүп, окуя болгон жерден качып кетти. Бул тууралуу Чүй облустук патрулдук милиция башкармалыгынан билдиришти.

Маалыматка караганда, окуя 17-майга караган түнү Бишкек-Күнтуу жолунда болгон. Кырсыкка кабылган “Субару Форестер” (мамномур Е 0523 D) автоунаасынын айдоочусу жабырлануучуга биринчи медициналык жардамды көрсөтпөй, окуя болгон жерден изин жашырып качып кеткен. Жабырлануучу окуя болгон жерден каза болгон

“Оперативдүү иликтөө тобу авто кырсык болжол менен саат 01:30 чамасында болгондугун жана «Субару Форестердин» айдоочусу Күнтуу айылынын 24 жаштагы И.И. экендигин аныкташты. Анын атасы милиция кызматкерлерине аталган автоунааны берди. Азыркы тапта унаа Шопоков шаарындагы айып пул төлөөчү жайга токтотулду. Ал эми кылмышка шектүүнүн кайда жүргөндүгү азырынча тактала элек. Ошондой эле каза болгон аялдын сөөгү Сокулук райондук оорукананын өлүкканасына жеткирилген. Учурда бул окуяга байланыштуу иликтөө иштери жүрүп жатат”, - деп айтылат маалыматта.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!