Бишкекте үрөй учурган кырсык катталды

Бишкекте үрөй учурган кырсык катталды
9-Сен. 2019, Дүйшөмбү, 18:17

Бүгүн, 9-сентябрда Бишкектин Чыңгыз Айтматов кең көчөсүндө "Skoda Octavia" үлгүсүндөгү унаа менен автобус сүзүшүп, 4 адам кырсык болгон жерде каза болду. Бул тууралуу Жол кыймылы коопсуздугун камсыздоо башкы башкармалыгынан билдиришти.

Маалыматка караганда, жол кырсыгы бүгүн, болжол менен саат 14:54төр чамасында болгон. Анда Чыңгыз Айматов проспектиси менен түндүк тарапка бара жаткан жеңил унаа (айдоочусу тактала элек) түштүк тарапка бара жаткан Б.А., аттуу айдоочунун башкаруусундагы №8 автобус менен сүзүшкөн.


Кырсыктан улам жеңил унаадагы 4 эркек бала алган жаракатынан улам каза болгон.Ошондой эле бир кыз оор абалда ооруканага жеткирилген.

Ал эми автобустун айдоочусу жана жүргүнчүлөрү да жабыркагандыгы маалым болду.

Окуя болгон жерде ыкчам-тергөө топтору иштеп жатат. Каза болгондордун өздүгү жана жабыркагандардын саны такталууда. Чогулган материалдар тийиштүү органдарга өткөрүлүп берилген.

Айта кетсек, үрөй учурган кырсык тууралуу маалымат Өзгөчө кырдаалдар министрлиге саат 15:35те келип түшкөн. Кырсык болгон жерге ӨКМнын Бишкек шаардык башкармалыгынын куткаруу кызматынан 6 куткаруучу тартылган.





Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!