Жогорку Кеңеште тил күнүнө карата илимий-конференция өтөт

Жогорку Кеңеште тил күнүнө карата илимий-конференция өтөт
10-Сен. 2019, Шейшемби, 10:09

Бүгүн Жогорку Кеңеште 23-сентябрь – Мамлекеттик тил күнүнө карата “Мамлекеттүүлүк жана мамлекеттик тил” аталышындагы илимий-тажрыйбалык конференция өтөт. Бул тууралуу Жогорку Кеңештин басма сөз кызматы кабарлады.

Иш-чарага депутаттар, тиешелүү өкмөт мүчөлөрү, мамлекеттик жана коомдук ишмерлер, ошондой эле тармактык адистер катышары белгилүү болду. Анда Мамлекеттик тил мыйзамын кабыл алуудагы тарыхый жагдайлар, кыргыз тилинин өзгөчөлүктөрү жана өнүгүүнүн өбөлгөлөрүн анализдөө жана жетишкендиктер талкууланат. Ошондой эле кыргыз тилинин орду, нарк маселеси тууралуу баяндама да жасалат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!