Бишкектеги кырсык: он жетиде кыйылган өмүрлөр

Бишкектеги кырсык: он жетиде кыйылган өмүрлөр
10-Сен. 2019, Шейшемби, 12:41

Бишкектин Чыңгыз Айтматов проспектисинде жеңил автоунаа менен автобус кагышкан жол кырсыгында каза болгон 4 адамдын өздүгү такталды. Бул тууралуу бүгүн, 10-сентябрда Өзгөчө кырдаалдар министрлигинен билдиришти.

Маалыматка караганда, кырсыктан улам 4 эркек адам каза болуп, 7 адам ар кандай жаракат алган. Каза болгондордунн баардыгы 17 жашта болгон. Алар Б.Б., К.А., Ж.Э., А.Б., аттуу жарандар. Ал эми 30 жаштагы 1 эркек адам, 3 аял киши (59 жаштагы Б.Г., 20 жаштагы А.кызы Н., 21 жаштагы Т.Б.) жана 3 жаш кыз (15 жаштагы эки кыз Ж.Н., Э.А., жана 9 жаштагы М.Н.) жабыркаган.

"Куткаруучулар каза болгондордун жансыз денелерин унаадан чыгарып, милиция кызматкерлерине өткөрүп беришкен. Ал эми жабыркагандар тез жардам кызматы аркылуу ооруканага жеткирилген",- деп айтылат маалматта.

Белгилей кетсек, үрөй учурган жол кырсыгы кечээ, 9-сентябрда болжол менен саат 14:54төр чамасында болгон. Анда Чыңгыз Айматов проспектиси менен түндүк тарапка бара жаткан жеңил унаа түштүк тарапка бара жаткан Б.А., аттуу айдоочунун башкаруусундагы №8 автобус менен сүзүшкөн.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!