Жээнбеков беш өлкөнүн элчилеринин ишеним грамоталарын кабыл алды

Жээнбеков беш өлкөнүн элчилеринин ишеним грамоталарын кабыл алды
11-Сен. 2019, Шаршемби, 18:13

Президент Сооронбай Жээнбеков бүгүн, 11-сентябрда Улуу Британия Королдугунун Атайын жана ыйгарым укуктуу элчиси Чарльз Гарреттен, Казакстандын элчиси Кайрат Нурпеисовдон, Малайзиянын элчиси Хенди Ассандан, Армениянын элчиси Гагик Галачяндан жана Индонезиянын элчиси Сунарио Картадинатадан ишеним грамоталарын кабыл алды.

Президенттик аппараттан маалымдашкандай, мамлекет башчысы элчилерди Кыргызстандагы дипломатиялык миссиясынын башталышы менен куттуктап, алардын ишмердүүлүгүнө ийгиликтерди каалап жана өлкөлөр ортосундагы мамилелерди бекемдөөдө олуттуу салым кошооруна ишенимин билдирди.

Ар бир элчи менен эки жана көп тараптуу өз ара аракеттенишүү маселелерин талкуулап жатып, президент соода-экономикалык, маданий-гуманитардык, саясий чөйрөдө, ошондой эле парламенттик демократияны өнүктүрүү, туризм жана инвестициялык кызматташтык маселелери боюнча кызматташтыкты тереңдетүүгө даярдыгын жана кызыкдарлыгын билдирди.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!