Уурулар үйдүн документтерин кымтып кетишкен

Уурулар үйдүн документтерин кымтып кетишкен
12-Сен. 2019, Бейшемби, 16:12

Жайыл районунда 5 миллион сом жана 12 миң долларды түзгөн алтын зер буюмдарды уурдаган деген шек менен эки жаран кармалды. Бул тууралуу бүгүн, 12-сентябрда Чүй облустук ички иштер башкармалыгынан билдиришти.

Маалыматка ылайык, үстүбүздөгү жылдын 24-апрелинде аталган райондун Бөксө-Жол айылынын 60 жаштагы Ш.Ш. аттуу тургуну милицияга арыз менен кайрылган. Ал арызында белгисиз адамдар анын үйүнө кирип, 5 млн. 140 миң сомун жана 12 миң долларды түзгөн алтын зер буюмдарын, үйүнүн документтерин уурдап кеткенин айтып, аларга карата чара көрүүнү суранган.

Аталган факты боюнча жүргүзүлгөн иликтөө иштеринин натыйжасында милиция кызматкерлери ("Коопсуз шаар" долбоорунун жардамы менен) кылмышка шектүүлөрдүн айдап жүргөн унаасын аныкташкан. Натыйжада кылмышка шектүү катары Ысык-Көл облусунун 25 жаштагы А.Ч. жана 34 жаштагы А.А. аттуу тургундары кармалды.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!