Милицияга Таластагы кыз ала качуу боюнча расмий арыз келип түшкөн эмес. Бул тууралуу бүгүн, 8-октябрда Ички иштер министрлигинен кабарлашты.

Маалыматка караганда, Таластагы кыз алуу качуу боюнча Интернетте тараган тасмадагы маалыматтар боюнча Талас ОИИБи тарабынан териштирүү жүрүп, кыз ала качуу фактысы азырынча аныктала элек. Андан сырткары, республика боюнча милиция кызматкерлери текшерүү иштерин жүргүзүшүүдө.

"Учурда аталган факты аныктала элек жана ички иштер органдарына расмий арыз келип түшкөн эмес. Ошондой эле милиция кызматкерлери аталган тасма боюнча текшерүү иштерин жүрүп жатат",- деп айтылат маалыматта.

Белгилей кетсек, буга чейин социалдык тармактарда кыз алуу качуу боюнча тасма тараган. Андагы тасмада жашы жете элек өспүрүмдү кызды мажбурлап ала качышканы жана аны бөлмөгө киргизип бара жаткандыгын көрүүгө болот. Ошондой эле тасмадагы кыз 16 жашта экени, аны 35 жаштагы адам күч менен ала качып келгени жазылган.