“Антошка” кафесинде болгон жарылуудан бир адам каза тапты. Бул тууралуу Саламаттыкты сактоо министрлиги кабарлады.

Каза болгон кыз кафенин кызматкери болгон. Алдын ала маалымат боюнча, кафедеги чыккан өрттөн 13 адам ар кандай жаракат алып, ооруканага жеткирилди. Жаракат алгандардын арасында үч жашар бала да бар.

Өзгөчө кырдаалдар министрлиги өрт саат 14:08де чектөөгө алынып, азыркы учурда толук өчүрүү иштери жүргүзүлүп жатканын кабарлады.

“Антошка” кафеси Чүй проспектиси менен Эркиндик бульварынын кесилишинде жайгашкан.

Сүрөт: АКИpress