Баласын тепкилеген кишиге кылмыш иши козголду (видео)
Бишкек шаарында тайгак жолдон тура албай жаткан баласын тепкен адамга карата кылмыш иш козголду. Бул тууралуу Бишкек шаардык ички иштер башкармалыгынан кабарлашты.
Маалыматка ылайык, 2-декабрда Октябрь райондук ИИБ кызматкерлери тарабынан видеодогу адам аныкталып, башкармалыкка алынып келинген. Ал 1967-жылы туулган Бишкек шаарынын Улан-2 кичи районунун тургуну А.Б. болуп чыккан.
Бул факт боюнча Октябрь райондук ИИБ териштирүүсү менен КК “бейбаштык” беренесине ылайык кылмыш иши козголгон.
"Бир катар соттук экспертизалар дайындалды. Учурда Кылмыш кодексинин 94-беренесине ылайык, кармалган адам Бишкек ШИИБдин убактылуу кармоочу жайына киргизилди",- деп айтылат билдирүүдө.
Эскерте кетсек, 2-декабрь күнү интернетте тайгак жолдон баса албай жерге жатып калган 2 жашар наристени белгисиз бир киши тепкен видео тараган.