Бишкек ТЭЦте дагы бир авария катталды

Шаххан Мырзабеков

Бишкек жылуулук борборунда диаметри 60 миллиметр болгон түтүк жарылып кетти. Бул тууралуу "Электр станциялары" ишканасынын маалымат катчысы Тагжана Айдаралиева фейсбуктагы баракчасына жазып чыкты.

Андагы маалыматка караганда, Бишкек ТЭЦинде №24 кошумча агрегатты күйгүзүү учурунда түтүк жарылып кеткен. Түтүктүн жарылып кетишине 20 градустук суук себеп болгон. Учурда адистер жарылган жерди калыбына келтирип жатышат.

Ошондой эле ушул тапта кошумча №23 агрегатты күйгүзүлгөнү жатканы жана жүгүртүүдөгү суунун жылуулугу 50-60 градустун тегерегинде экени айтылат.

Эскерте кетсек, 26-январда саат 18.00дө “Электр станциялары” ишканасы Бишкек ТЭЦтин айрым жабдыктары убактылуу иштен чыккандыктан электр кубаттуулугун 350дөн 154 мегаваттка чейин төмөндөткөн.