Исаков аскер институтуна барды (фото)

Исаков аскер институтуна барды (фото)
24-Фев. 2018, Ишемби, 12:20

Кечээ, 23-февралда премьер-министр Сапар Исаков Советтер Союзунун Баатыры генерал-лейтенант Калыйнур Усенбеков атындагы Куралдуу күчтөрдүн аскер институтун көрүп келди. Бул тууралуу өкмөттүн аппаратынан билдиришти.

Өкмөт башчы Абаны коргоо Күчтөрүнүн аскер кызматкерлерин жана аскер институнун курсанттарын Мекен коргоочулардын күнү менен куттуктады.

Сапар Исаков өз сөзүндө мекенди коргоочулар Кыргызстандын бекем тиреги жана коргоочусу деп белгиледи.

«Сиздер республикабыздын чыныгы патриотторусуңар. Мен силердин кызматыңар жана эрдигиңер үчүн терең таазим этем. Сиздер өлкөнүн Куралдуу Күч катарларында туруп, оңой эмес жана жоопкерчиликтүү кызмат кылып жалпы коомчулуктун коопсуздугун сактап турасыңар. Ушул күнү мен үй бүлөңүздөргө жана жакындарыңыздарга бакубатчылык каалайм. Кыргызстаныбызда тынчтык жана ынтымак өкүм сүрсүн», – деди Исаков.

Ошондой эле премьер-министр окуу мекемесинин ишмердүүлүгү менен таанышып, заманбап мультимедия окуу каражаттары менен жабдылган окуу бөлмөлөрүн карап чыкты. Жыйынтыгында Сапар Исаков аскер институтуна керектүү жабдууларды белек кылып, окуу шарттарын жакшыртууга колдоо көрсөтөөрүн маалымдады.






Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!