Депутат: "Эпидемия жайылуу коркунучу бар"
Шаххан Мырзабеков
7-Март 2018, Шаршемби, 11:37
Бүгүн, 7-мартта Жогорку Кеңештин жыйынында депутат Исхак Пирматов Ала-Бука районундагы Орто-Токой суу сактагычынан бир тамчы суу келбегендиктен, бул аймакта эпидемия жайылуу коркунучу бар деп айтып чыкты.
Анын айтымына караганда, аталган райондогу Орто-Токой суу сактагычынан бир тамчы дагы суу келбей, 3 айыл өкмөттүн эли, малы дагы суу иче албай, тургундар сууну Сумсар сайынан чакалап ташып келүүгө аргасыз болуп жатышат. Абал өзгөрбөсө, бул аймакта эпидемия жайылуу коркунучу бар.
«Орто-Токой суу сактагычы толугу менен кыргыз тараптын башкаруусуна өтөт деп сүйүнүп жатпадык беле? Биз бул боюнча эки тараптуу келишимди ратификациялап бергенбиз. Тилекке каршы, азыр андай болбой жатат»,- дейт Пирматов.
Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
Окшош кабарлар
КӨП ОКУЛГАНДАР
Көздөгү боёкту узак сактоонун 3 сыры
Футбол боюнча дүйнө чемпионатынын гимни чыкты (видео)
