Стивен Спилбергтен «Секретное досье» тасмасы

Стивен Спилбергтен «Секретное досье» тасмасы
22-Окт. 2018, Дүйшөмбү, 16:45

Бизге акыркы бир-эки айдан бери быйылкы «Оскарда» жарыша турчу картиналарды сунуштап жатышат. Ушул жумада Стивен Спилбергтин «Секретное досье» («The Post») тарыхый триллери көрөрмандарга сунушталмакчы. Фильм «Мыкты фильм», «Мыкты актриса» номинациялары боюнча «Оскарга» үмүткер.


Жашоодо болгон окуяга негизделген картинада башкы ролдорду Мэрил Стрип менен Том Хэнкс ойногон. Сюжети 1971-жылы болгон чыныгы окуяга куралган. «The New York Times» жана «The Washington Post» басылмаларынын журналисттери Пентагондогу сырдуу документтерди жарыялашат. Материалдарда Вьетнам согушу тууралуу, АКШнын согушка аралашуу себеби, Америка жоокерлеринин Камбоджа менен Лаостогу сырдуу операциялары тууралуу мурун-кийин эч ким билбеген маалыматтар айтылат. Ушундайча АКШ президентинин акимчилигинин калптары ачыкка чыгат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!