Чуулгандуу окуяларга бай «Все деньги мира» тасмасы

Чуулгандуу окуяларга бай «Все деньги мира» тасмасы
23-Окт. 2018, Шейшемби, 15:51

Ридли Скоттун «Все деньги мира» («All the Money in the World») детективдүү триллери Америка киноакадемиясынын «Экинчи пландагы мыкты актер» номинациясында багын сыноодо. Бул фильм да жашоодо болгон окуяга негизделген жана дүйнөнүн эң бай бизнесмени Жан Пол Геттинин үй-бүлөсүндө болгон абалды сүрөттөйт.

Фильмде ХХ кылымдагы чуулгандуу окуялардын бири сүрөттөлөт. Римде маска кийген кылмышкерлер дүйнөнүн эң бай адамдарынын бири Жан Пол Геттинин небересин кармап алып кетишет. Бирок Гетти небересин кайрып алуу үчүн кун төлөөдөн баш тартат. Убакыт өткөн сайын кылмышкерлердин талабы да күчөп баштайт. Жаш өспүрүмдү куткарууга бир гана үмүт Геттинин коопсуздук кызматкери Флетчер Чейсте калат.

Негизги ролдорду Мишель Уильямс, Кристофер Пламмер жана Марк Уолберг аткарышкан. Башында мунай магнаты Кевис Спейси ойноп чыккан эле. Бирок актердун башы чууга калган чатактан кийин аны Кристофер Пламмер менен алмаштырып, кээ бир эпизодторду кайра тартып чыгууга туура келген.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!