Чым-Коргондуктар тасманын продюсерин коркутууда

Чым-Коргондуктар  тасманын продюсерин коркутууда
5-Дек. 2018, Шаршемби, 14:49

“Чым-Коргондук качкындар” жинди-комедия тасмасы 17-январдан тартып бардык кинотеатрларда көрсөтүлө баштайт” деген жарнама чыгаары менен тасманын продюсери Бакыт Асакеевди коркуткандар көбөйө баштаганын белгилүү ММК булактарына айтты.

Продюсердин айтымында Чым-Коргон айылынын тургундары айылдын элинин ар намысына, аброюна шек келтирип жатканын айтып, тасманын атын өзгөртүүнү талап кылышкан. Бирок продюсер бул тасмада Чым-Коргон эли тууралуу эч кандай окуя жок, болгону жиндиканадан качкан адам тууралуу экенин айткан. Продюсердин айтканына көңүл бурбастан “Тасманын атын өзгөрткүлө, жер тоголок, таап алабыз” деген коркутуулар болгон.

Бул тасмага айыл эли нааразы болгондуктан, Маданият, маалымат жана туризм министри Азамат Жаманкуловго кайрылышкан. Министр бул маселени чечип берерин айткан.

Ал эми продюсер Бакыт Асакеев: “Тасманын аталышын өзгөртө албайбыз. Алгач биздин эмгекти көрсүн, згер ошондо дагы ойлору өзгөрбөсө, анда аталышын өзгөртөбүз",- деди.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!