​Кыргызстанга бангизат ташыгандар кармалды

Бекхан Асанов

Борбор Азия өлкөлөрүнө Европадан баңгизат ташыган эл аралык кылмыштуу топтун мүчөлөрү кармалды. Бул тууралуу Улуттук коопсуздук мамлекеттик комитети билдирди.

Маалыматка караганда, кармалган кылмышкерлер “Альфа-ПВП” деп аталган аябай таасир берүүчү синтетикалык заттын ири өлчөмүн Бишкек шаары менен Чүй облусунун аймагында таратып жаткан жеринен колго түшүрүлгөн.

Факты боюнча Кылмыш-жаза кодексинин “Баңгизаттарды, психотроптук заттарды мыйзамсыз даярдоо, сатып алуу, сактоо, ташуу, жөнөтүү, мыйзамсыз өндүрүү же берүү” беренесинин негизинде кылмыш иши козголгон. Учурда кармалгандар убактылуу кармоочу жайга киргизилип, тергөө жүрүп жатат.