​Президент балдар онкогематологиясы бөлүмүнө акча бөлдү

​Президент балдар онкогематологиясы бөлүмүнө акча бөлдү
1-Июнь 2018, Жума, 17:14

Өлкө башчы Сооронбай Жээнбеков Президенттин социалдык коргоо жана колдоо фондунан Улуттук Онкология жана гематология борборунун балдар онкогематологиясы бөлүмүндө дарыланып жаткан балдар үчүн дары-дармектерди сатып алууга 2,4 млн. сом бөлдү. Бул тууралуу президенттин маалымат кызматы билдирди.

Маалыматка караганда, Президенттин атынан бөлүнгөн каражатты жана ооруканада дарыланып жаткан балдарга арналган белектерди 1-июнда Президенттик Аппараттын жетекчисинин биринчи орун басары Досалы Эсеналиев тапшырды.

Мындай чечим республикалык бюджеттен бөлүнгөн сумма керектөөнү толук көлөмдө канааттандырбагандыктан, балдарды комплекстүү дарылоо жогорку технологиялык жана кымбат дарылоону талап кылгандыктан кабыл алынган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!