​Чек арада жаңжал чыкты

​Чек арада жаңжал чыкты
5-Июнь 2018, Шейшемби, 11:08

Кыргыз-тажик чек арасында эки өлкөнүн чек арачылары ортосунда жаңжал чыкты. Бул тууралуу Чек ара кызматы билдирди.

Маалыматка караганда, 4-июнда Лейлек районундагы «Футбол аянтчасы» Кыргызстан менен Тажикстандын чек арачыларынын ортосунда пикир келишпестик чыгып, коңшу өлкөнүн жоокерлери асманга ок атышкан. Окуя кечээ, саат 17:10дө катталды.

Келишпестик тажик аскерлери тарабынан мамлекеттик чек араны бузгандан улам келип чыккан. Тажик чек арачылары «Футбол аянты» жеринде соода кылып жаткан кыргыз жарандарын кууп чыккан.

Тажикстандык чек арачыларга макулдашылбаган чек ара аймагында мыйзамсыз жүрөсүңөр деген эскертүү берилген. Бирок, алар ишти козутуп, жаңжал чыгарганга аракет кылышкан. Коңшу мамлекеттин аскерлери ок чыгарышкандыгы үчүн, кыргыз тарап аларды колго түшүрүшкөн.

Эки тараптуу сүйлөшүүлөрдөн кийин асманга от аткан тажик чек арачысы кармалган. Ал бүгүн Тажикстан тарапка өткөрүлүп берилди.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!