Аял мыкаачылык менен өлтүрүлгөн

Аял мыкаачылык менен өлтүрүлгөн
23-Июнь 2018, Ишемби, 13:37

Баткендин Кадамжай районунун Кыргыз-Кыштак айылындагы каналдан табылган аял мыкаачылык менен өлтүрүлгөн. Бул тууралуу Баткен облустук ички иштер башкармалыгы билдирди.

Маалыматка караганда, каналдан табылган 39 жаштагы аялдын окуясы боюнча соттук-медициналык экспертиза дайындалып, анын жыйынтыгында аял мыкаачылык менен өлтүрүлгөнү аныкталган. Экспертизалык текшерүүнүн маалыматы боюнча аялдын баш сөөгүндөгү оң каракуш чыкый бөлүгүнө урулуп, оң жана сол бетинде жана сол көзүндө көгөргөн тактары болгон. Моюнунун үстүңкү жана ортоңку бөлүгү жип менен муунтулуп бешинчи жана алтынчы омуртка сөөктөрү сынган. Ошондой эле жүлүн мээнин, баш мээнин жабык түрдөгү жаракаты, баш мээнин сол төбө челдеринин астында кан уюганы аныкталган.

Катталган окуя боюнча Кылмыш-жаза кодексинин “киши өлтүрүү” беренеси менен кылмыш иши козголуп, учурда тергөө иштери жүрүп жатат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!