​«Кыргыз темир жолго» жаңы жетекчи дайындалды

​«Кыргыз темир жолго» жаңы жетекчи дайындалды
2-Окт. 2018, Шейшемби, 11:49

«Кыргыз темир жолу» мамлекеттик ишканасына жаңы жетекчи дайындалды. Бул тууралуу өкмөттүн маалымат кызматы билдирди.

Маалыматка караганда, аталган мамлекеттик ишкананы Канатбек Абдыкеримов жетектейт. Тийиштүү буйрукка өкмөт башчы Мухаммедкалый Абылгазиев кол койгон.

Канатбек Абдыкеримов буга чейин Бишкек шаарынын Свердлов райондук администрациясында соода, тейлөө жана ишкердикти өнүктүрүү бөлүмүн башкарган. Ошондой эле өкмөттүн аппаратында иштеген. Муну менен катар” Кыргыз темир жолу” ишканасынын долбоорлоо жана темир жолунун курулушу боюнча дирекцияны жетектеген.

Эскерте кетсек, буга чейин “Кыргыз темир жолун” жетекчиси Алмазбек Ногойбаев 1-октябрда президенттин буйругу менен иштен алынган. Ал ишкананы 2015-жылдын май айынан бери жетектеп турган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!