Сот Зилалиевдин адвокатынын өтүнүчүн четке какты

Сот  Зилалиевдин адвокатынын өтүнүчүн четке какты
11-Янв. 2019, Жума, 10:31
Бишкек шаардык соту мурдагы вице-премьер-министр Дүйшөнбек Зилалиевдин "президенттик кортеж өткөн көчөдө бомба коюлду" деп кабар таратканы боюнча козголгон кылмыш ишин токтотуудан баш тартты.

“Азаттык” билдиргендей, Зилалиевдин адвокаты Чынара Жакупбекова Кылмыш жана Кылмыш-процессуалдык кодекстин жаңы редакциясына ылайык, иштин мөөнөтү өткөнүн жана Зилалиевдин тамашасынан эч ким зыян тартпаганын белгилеп, сот өндүрүшүн токтотууну суранган. Сот жактоочунун мындай өтүнүчүн четке какты.

Эскерте кетсек, инаугурация күнү президенттик кортеж өткөн көчөдө "бомба коюлду" деген кабар тараган. Жергиликтүү маалымат каражаттары бомба тууралуу милицияга ИИМ академиясынын курсанты кабарлаганы, ал эми ага "1532 ВК" мамлекеттик номерлүү "Лексус" машинесинен бир адам билдиргенин жазган. Кийинчерээк "машиненин номуру Зилалиевге таандык" деген маалымат айтылган.

Зилалиевге карата кылмыш иши Кылмыш-жаза кодексинин "Террорчулук жөнүндө атайылап жалган маалымат таратуу" беренеси менен козголгон.

Тегдер:
Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!