Төрт айлык наристесин таяк менен башка чаап өлтүрдү

Төрт айлык наристесин таяк менен башка чаап өлтүрдү
12-Янв. 2019, Ишемби, 11:33
2018-жылдын 28-декабрында Ысык-Көлдө жубайлардын ортосунда чыр чыгып, анын кесепетинен катуу жаракат алган 4 айлык наристе көз жумган. Бул тууралуу жергиликтүү басылма кабарлады.


Тоң районундагы Туура-Суу айылынын четинде кашарда жашаган жубайлардын ортосунда чыр чыккан. Ошол учурда күйөөсү мас абалда болуп колундагы жыгач менен аялын чабам деп, көтөрүп турган төрт айлык кызын башка чаап алган. Ага ачууланган аялы бычак менен күйөөсүнүн сол колунун булчуңуна сайып жиберген. Жаңжалдан кийин күйөөсү жана 4 айлык кызы Тоң райондук ооруканага жеткирилген, натыйжада наристе бир күндөн кийин чарчап калган. Жубайлардын улуу эркек баласы туугандарынын колунда турганы маалым болду.

Учурда күйөөсү шектүү катары камакка алынды.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!