Субайылда Абдыкадырованын мемориалдык тактасы жайгаштырылат

Субайылда Абдыкадырованын мемориалдык тактасы жайгаштырылат
7-Фев. 2019, Бейшемби, 17:24

Эртен, 8-февраль күнү “Даңк” медалынын ээси, маданиятка эмгек сиңирген ишмер, акын Субайылда Абдыкадырованын мемориалдык тактасы Бишкек шаарындагы Абдрахманов көчөсүндөгү №137 өзү жашап өткөн үйгө жайгаштырылат. Мындай чечим Бишкек шаарынын мэриясынын токтому менен 2018-жылы кабыл алынган. Бул тууралуу Маданият, маалымат жана туризм министрлиги маалымдады.


Акын Субайылда Абдыкадырова 1935–жылы Жайыл районундагы Сары–Булак айылында туулган. 1952-жылы Кыргыз кыз- келиндер педагогикалык институтунун алдындагы педагогикалык окуу жайын,1957–жылы В.В. Маяковский атындагы Кыргыз кыз-келиндер педагогикалык институтун аяктаган.
Эмгек жолун 1957–жылы “Ленинчил Жаш” гезитинде адабий кызматкер, “Кыргызстан аялдары” журналында, Кыргыз ССРинин телерадиокомитетинде редактор, “Ала–Тоо” журналынын искусство бөлүмүнүн редактору, 1984–жылдан “Кыргызстан маданияты” гезитинин бөлүм башчысы болуп эмгектенген. Чыгармалары басма сөздөрдө 1953–жылдан тартып жарык көрө баштаган. Акындын чыгармалары КМШ өлкөлөрүнүн ошондой эле айрымдары немис, англис жана жапон тилдерине которулган.

Акындын кыргыз тилинде “Булак”, “Кыз кыялы”, “Калыйпа”, “Жээренче чечен” “Мекеним”, “Жайыл бий”, “Балдар үчүн”, ал эми “Любовь пришла”, “Под осенью арчи”, жана “След” аталышындагы китептери орус тилдеринде жарык көргөн.

1957-жылы СССР жазуучулар союзунун мүчөсү, 1958-жылы Москвада өткөн кыргыз адабияты менен маданиятынын экинчи декадасынын катышуучусу болгон.

Субайылда Абдыкадрова быйыл көзү тирүү болгондо 84 жашка чыкмак. Кыргыз адабиятынын өнүгүшүнө кошкон салымы үчүн үч ирет Кыргыз ССРинин Жогорку Советинин Президиумунун “Ардак граматасын”, 1958-жылы “Эмгектеги артыкчылык”, 1970–жылы “Каарамандык эмгеги үчүн” медалдары, ал эми 1991- жылы Кыргыз Республикасынын маданиятына эмгек сиңирген ишмери наамы жана 2006-жылы Кыргыз Республикасынын “Даңк” медалы менен сыйланган.

Мемориалдык тактаны ачуу саат 10:00дө башталат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР
Мамлекеттик социалдык тапшырык алкагында 1000 бала бала бакчага барат
Мамлекеттик социалдык тапшырык алкагында 1000 бала бала бакчага барат
Орустардын 5 пайызы Сталиндин мезгилин жактырат
Орустардын 5 пайызы Сталиндин мезгилин жактырат
Абылгазиев:
Абылгазиев:"Сүттү сатып алуунун баасын жогорулатуу керек"
Хабиб ​Нурмагомедов 29-жолу допинг текшерүүдөн өттү
Хабиб ​Нурмагомедов 29-жолу допинг текшерүүдөн өттү
“Коопсуз шаардын” камерасын ок атуучу курал менен атып кетишти (видео)
“Коопсуз шаардын” камерасын ок атуучу курал менен атып кетишти (видео)
Анжелика: “Кудай колдосун деп анан учуп кеттим”
Анжелика: “Кудай колдосун деп анан учуп кеттим”
Чыпалак баатыр:
Чыпалак баатыр: "Мен 100 процент нормальный адаммын!" (видео)
Жырткыч жаныбар табылды
Жырткыч жаныбар табылды
Султан Садыралиевдин жаңы ыры  хитке айланабы? (видео)
Султан Садыралиевдин жаңы ыры хитке айланабы? (видео)
​Мухаммед Салах ислам дүйнөсүнө кайрылуу жасады
​Мухаммед Салах ислам дүйнөсүнө кайрылуу жасады
Толкунбек Абдыгулов ссуданын калган бөлүгүн төлөй баштайт
Толкунбек Абдыгулов ссуданын калган бөлүгүн төлөй баштайт
Amazon Кытайдагы кызматтарын токтотот
Amazon Кытайдагы кызматтарын токтотот
Жээнбеков:
Жээнбеков:"Ашраф Ганини ШКУнун жыйынында күтөбүз"
Россия Украинага мунай берүүнү токтотот
Россия Украинага мунай берүүнү токтотот
Абдыгулов: “Росинбанк” адистештирилген банк болот
Абдыгулов: “Росинбанк” адистештирилген банк болот
Актриса Мадина Талипбек сыйлык албай калды
Актриса Мадина Талипбек сыйлык албай калды