Бишкекте ”Жибек жолу” интерактивдүү көргөзмөсү өтөт

Бишкекте   ”Жибек жолу” интерактивдүү көргөзмөсү өтөт
3-Апр. 2019, Шаршемби, 14:28

2019-жылдын 5-28-апрелинде Гапар Айтиев атындагы Улуттук Көркөм Сүрөт музейинде “Жибек Жолу” интерактивдүү көргөзмөсү өтөт. Көргөзмө көрүүчүлөрдүн баарына арналган.

Көргөзмөнүн идеясы:Интерактивдүү ыкмаларды колдонуу аркылуу көрүүчүлөргө Улуу Жибек жолу боюндагы өлкөлөр жөнүндө негизги маалыматтарды берүү, шаарларды жана мамлекеттерди бириктирген бул байыркы жана жаӊы жолдун азыркы статусун жана келечегин көрсөтүү. Бул адамдар жана элдер ортосундагы урмат-сыйды, достукту бекемдеп, соода-сатыктын жана туризмдин өнүгүшүн камсыздайт.

Кыргызстан - Улуу Жибек жолунун таманында жайгашкан өлкөлөрдүн бири. Соода кербендери өлкөбүздүн Ош, Өзгөн, Баласагын, Суяб, Барскан, Ат-Башы, Тоң сыяктуу орто кылымдагы шаарлары аркылуу өткөн.

Көргөзмөгө Кыргызстан, ошондой эле Жибек жолундагы Казакстан, Өзбекстан, Тажикстан, Азарбайжан, Түркмөнстан, Кытай, Индия, Иран, Түркия, Монголия, Япония, Түштүк Корея, Пакистан, Афганистан жана Россия Федерациясы өлкөлөрүнүн элчиликтери катышып жатат. Көргөзмөнүн жүрүшүндө ар бир өлкөгө бир күндөн атайын бөлүнүп берилген. Ошол күнү өлкө өзүнүн программасы менен катыша алат, ар бир мамлекет өз өлкөсүн толук таанытууга аракет жасайт.

Көрүүчүлөр Улуу Жибек жолунда ташылган жибек, шайы, күрүч,чайлар, татымалдар (специи) мененда тааныша алат. Ар түрдүү этностордун маданиятын, салттарын, оюндарын көрүшөт, ырларын ырдап, бийлерин бийлей алышат. Кызыктуу болгон көптөгөн интерактивдүү аянтчалар иштейт. Мисалы, узуну 8 метр, туурасы 2 метр кийиз кесиндилеринен жасалган пазл -“Жандуу географиялык картаны” алар колу менен кармап көрүп, өздөрү да картаны кураштырса болот. Жибек жолундагы бардык өлкөлөр жөнүндөгү элестүү маалыматты ала алышат.

Иш-чара түрдүү мастер-класстар менен коштолот. Мисалы, Кытай күнү- каллиграфия, кайчы менен оюу кесүү, Япония күнү - чай куюу жөрөлгөсү, оригами жасоо, Кыргызстандын күнү - кийиз басуу, андан буюмдарды жасоо, ал эми Өзбекстан күнү – керамикадан буюмдарды жасоо боюнча мастер-класстар болот.Ошондой эле Чыгыштын жоокердик искусствосу: кун-фу, каратэ, айкидо, көркөм гимнастика боюнча да мастер класстар көрсөтүлөт.

Балдар адабиятына өзүнчө бир күн арналат. Бул күнү уюштурулган баардык иш-чаралар балдарды жана жаштарды китеп окууга үндөйт."Жылдыздар балдарга китеп окуйт" акциясында балдар заманыбыздын белгилүү жазуучулары менен жолугуша алышат. Кино залда куурчак театры коюлат.

Көргөзмө “Роза Отунбаеванын демилгеси” Эл аралык Коомдук фонду тарабынан “Кийиз дүйнө” коомдук фонду менен биргеликте өткөрүлөт.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР
Шаввалдагы алты күндүк Орозону унутпайлы
Шаввалдагы алты күндүк Орозону унутпайлы
Өкмөт Матраимовго Жогорку соттон да утулду
Өкмөт Матраимовго Жогорку соттон да утулду
​Роналду менен күлүк жылкынын баасы бирдей (видео)
​Роналду менен күлүк жылкынын баасы бирдей (видео)
Конор аз камсыз болгондорго бекер үй салууда
Конор аз камсыз болгондорго бекер үй салууда
​Башкаруучусу жок жүк ташуучу унаа каттамга чыкты
​Башкаруучусу жок жүк ташуучу унаа каттамга чыкты
Активдүү жарандык коом – демократиялык коомдун милдеттүү белгиси
Активдүү жарандык коом – демократиялык коомдун милдеттүү белгиси
Болот Шамшиевдин “Эсимде” атуу романы жарык көрдү
Болот Шамшиевдин “Эсимде” атуу романы жарык көрдү
​Ит тирүүлөй көмүлгөн наристени сактап калды
​Ит тирүүлөй көмүлгөн наристени сактап калды
​Зинедин Зидан “Реал” дарбазачысына уулун көрсөттү
​Зинедин Зидан “Реал” дарбазачысына уулун көрсөттү
Жээнбеков Балыкчынын “Коопсуз шаар” долбоорлору менен таанышты
Жээнбеков Балыкчынын “Коопсуз шаар” долбоорлору менен таанышты
«705» тайпанын  «Жалын жүрөк жоокерлер» аттуу спектакли болот
«705» тайпанын «Жалын жүрөк жоокерлер» аттуу спектакли болот
Назира Айтбекова Балыкчынын жаш мэрине кайрылуу жасады
Назира Айтбекова Балыкчынын жаш мэрине кайрылуу жасады
Гульназ Дуйшембиева  Өкмөттүн ардак грамотасы менен сыйланды
Гульназ Дуйшембиева Өкмөттүн ардак грамотасы менен сыйланды
Бишкектин бардык музейлеринде “Музейлер түнү” акциясы старт алды
Бишкектин бардык музейлеринде “Музейлер түнү” акциясы старт алды
Жээнбеков:
Жээнбеков:"Кызыл-Омподогу окуя жөн жерден саясатташып кетти"
Чачка арналган банан маскасы
Чачка арналган банан маскасы