Разаков кыргыз-россия кызматташуусу маселелери боюнча кеңешме өткөрдү

Разаков кыргыз-россия кызматташуусу маселелери боюнча кеңешме өткөрдү
15-Май 2019, Шаршемби, 10:11

Вице-премьер-министр Жеңиш Разаков Кыргызстан менен Россиянын президенттеринин сүйлөшүүлөрүнүн жыйынтыгында жетишилген макулдашууларды ишке ашыруу боюнча Иш-чаралар планынын айрым пункттарын аткаруу маселелери боюнча кеңешме өткөрдү. Бул тууралуу бүгүн, 15-майда өкмөттүн басма сөз кызматынан билдиришти.

«Белгилүү болгондой, марттын соңунда Россиянын президенти Владимир Путин Кыргызстанга мамлекеттик сапары менен келип кетти. Сапардын жыйынтыгы боюнча ар башка тармактарда өз ара пайдалуу кызматташууну күчтөндүрүүгө багытталган бир катар келишимдерге жетишилди. Бул макулдашууларды ишке ашыруу, анын ичинде Россиянын Иркутск, Сургут, Түштүк-Сахалинск жана Якутск сыяктуу шаарларында пландаштырылган Кыргызстандын Элчилигинин канцелярияларын ачуу деңгээли көбүнесе бизден көз каранды», – деп ырастады ал.

Разаков белгилегендей, 2020-жылы Россияда Кыргызстандын Жылын жана Кыргызстанда Россиянын Жылын өткөрүү сунушталды.

«Ошону менен бирге 8-чи кыргыз-россиялык региондор аралык конференциясынын жыйынтыгында жетишилген макулдашууларды өз убагында аткарууга өзгөчө көңүл буруу керек. Улуттук санариптик долбоорлорду ЕАЭБ санариптик күн тартибине шайкештөө, соода, мунай-химиялык өнөр жай, энергетика жана айыл чарба тармагында кызматташууну кеңейтүү маселелерине назар салуу зарыл», – деп жыйынтыктады Разаков.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР