Туйгунаалы Абдраимов: “Сенин жүзүң жакпайт” деген мазактоо эмес

Туйгунаалы Абдраимов: “Сенин жүзүң жакпайт” деген мазактоо эмес
7-Июнь 2019, Жума, 16:19

“Сенин жүзүң жакпайт” деген мазактоо эмес. Мындай пикирин Өкмөттүн Чүй облусундагы ыйгарым укуктуу өкүлү Туйгунаалы Абдраимов “Азаттыкка” курган маегинде билдирди.

“Журналист катары ал кыздан кечирим сурабайм. Бирок кыз катары мүмкүн мен ага туура эмес айтып койдум. Ага кийин өзүнчө жолугуп кечирим сурап коем. Мен айтып коеюн, “Сен жүзүң жакпайт” деген мазактоо эмес. Менин жүзүм бирөөнө жакпайт. Булар жөн эле дуулдатып жатат. Эн негизгиси – бул буйрутма. Ким буйрутма бергенин да айтып берем”, – деди Абдраимов.

Туйгунаалы Абдраимов Сокулук районунун Орок айылында жаш балдардын арасында болгон жаңжал боюнча Ала-Тоо 24 каналына гана маалымат берип, башка журналисттердин суроолоруна жооп берүүдөн баш тарткан. Ал мунун себебин журналист кыздын жүзүнүн жакпаганы менен байланыштырган

Социалдык тармактын колдонуучулары азыркыга чейин анын кызматтан кетүүсүн талап кылып жатышат. Өкмөт азырынча ага кандай чара көрүлө тургандыгын айта элек.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР