Казакстандын президентинин сүрөтү сайтка жасалып жайгаштырылганбы? Аныктап беребиз

Казакстандын президентинин сүрөтү сайтка жасалып жайгаштырылганбы? Аныктап беребиз
15-Июнь 2019, Ишемби, 12:30

Кечээ, 14-июнда Шанхай кызматташтык уюмунун (ШКУ) кезектеги саммити Бишкекте өттү. ШКУнун жыйынына катышуу үчүн Казакстан Республикасынын жаңы шайланган президенти Касым-Жоомарт Токаев 13-июнда Бишкекке келип, Кыргызстандын президенти Сооронбай Жээнбеков менен жолуккан.

Ал жолугушуудагы тартылган сүрөттөр эки президенттин тең расмий сайтына жайгаштырылды. Бирок биз бир эле убакта тартылган эки сүрөттүн айырмачылыгын байкай алдык. Тактап айтканда, Казакстан президентинин сайтына жарыяланган сүрөттө Касым-Жоомарт Токаевдин бетиндеги бырыштар азайып калган.

Кыргызстандан президентинин расмий сайтына жайгаштырылган сүрөт

Казакстандын президентинин расмий сайтына жайгаштырылган сүрөт



ZAMAN.KG маалымат агенттиги Казакстандын президентинин сүрөтү жасалгандыгын же жасалбагандыгын (редактирлөө) аныктап берет.

Алгач инструментердин жардамы менен сүрөттүн EXIF маалыматтарын алабыз. EXIF – сүрөттүн техникалык маалыматтарын камтыйт (тартылган сүрөттүн датасы, сүрөттү тарткан фотоаппараттын модели, дареги, ж.б.)

Андан соң атайын онлайн сервистердин жардамы аркылуу сүрөттү текшеребиз. Бизге imageedited.com жана fotoforensics.com сервиси сүрөт NIKON D5 үлгүсүндөгү фотоаппарат менен тартылганын жана Adobe Photoshop CC 2017 программасы менен жасалгандыгын аныктап берди.

Бүтүм: Касым-Жоомарт Токаевдин сүрөтү Adobe Photoshop программасы менен жасалган.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!