Америкадагы фестивалга кыргызстандык жаш таланттар катышат

Америкадагы фестивалга кыргызстандык жаш таланттар катышат
19-Июнь 2019, Шаршемби, 10:49

Кыргызстандык жаштар 24-июнь жана 27-июнь күндөрү Америкада өтө турган Евразия фестивалына катышат. Бул тууралуу Кыргыз – Америка фонду маалымдады.

Алардын маалыматында айтылгандай, Элиза Салыбаева флейта аспабында, Бактияр Дооронов кларнет аспабында, Жыргалбек Өмүргазы уулу комуз чертип өз таланттарын көргөзүшөт. Алар Бишкек шаарында 2018-жылы ноябрында өткөн «Eurasia Emerging Artist» музыкалык сынакта жеңүүчү аталышып, Евразия фестивалына катышуу үчүн жолдомо алышкан.

Уюштуруучуларынын айтымында алар Кыргызстандын жана Борбордук Азиянын композиторлору: Владимир Власов, Михаил Раухвергер, Калый Молдобасанов, Муратбек Бегалиев жана Жылдыз Малдыбаеванын чыгармаларын аткарышат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!