Россиядагы фестивалда кыргызстандыктар гран-при жеңип алышты

Россиядагы фестивалда кыргызстандыктар гран-при жеңип алышты
21-Июнь 2019, Жума, 14:55

Кыргызстандык катышуучулар Россияда өткөн III Эл аралык “Студенттик жаз БРИК (Бразилия, Россия, Индия, Кытай, Африка) жана ШКУ (Шанхай кызматташтык уюму)” өлкөлөрүнүн арасындагы өткөн фестивалга катышты. Бул тууралуу Бишкектеги Россия маданият жана илим борбору билдирди.

Алардын маалыматына таянсак, Кыргызстандын атынан Глеб Ким, Оксана Телегина жана Жамиля Ишенбаева катышып, гран-прилердин жеңүүчүлөрү болду.

Абдылас Малдыбаев атындагы опера жана балет театрынын солисти Глеб Ким жана Оксана Телегина Эл аралык «Арт-холл» чыгармачылык проектен гран-при жеңип алышты.

“Студенттик күндөрдүн ханышасы - 2019” аттуу сулуулар сынагынын жеңүүчүсү Жамиля Ишенбаева болду.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!