Кыргызстанда балык чарбалары өнүгүп жатат

Кыргызстанда балык чарбалары өнүгүп жатат
24-Июнь 2019, Дүйшөмбү, 12:25

Айыл чарба, тамак-аш өнөр жайы жана мелиорация министри Эркинбек Чодуев Чүй областынын Ысык-Ата районундагы Кеңбулак айылында жайгашкан балык чарбасынын иштери менен таанышып келди. Бул тууралуу аталган министрликтин басма сөз кызматы кабарлады.

Балык чарбасынын директору Азамат Абдукалиев жолугушууда көлмөлөрдү курууда жер боюнча көйгөйлөрү бар экенин айтты.

“Бүгүнкү күндө Айыл чарба министрлиги балык өндүрүү боюнча иштерди колдоо максатында суу сактагычтарды жана көлмөлөрдү ижарага берүүдө. Мындан тышкары сыртан ташылып келген балыктын тоюту үчүн алынган салыкты жоюу чаралары көрүлүүдө”,-деп маалымдады чарабанын иши мнен таанышып жаткан учурда министр.

Маалымат үчүн: акыркы жылдарда Кыргызстанда 15 миң тонна балык өстүрүлгөн. Акыркы 10 жыл ичинде бул көрсөткүч жогорулап экономикага чоң салым кошкон. Балыктын орточо баасы 1 килограммына 200-250 сомдон турат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!