Бишкектеги 12 жаңы конуш электр менен туруктуу камсыз болот

Бишкектеги 12 жаңы конуш электр менен туруктуу камсыз болот
25-Июнь 2019, Шейшемби, 14:26

“Ак-Ордо” конушунда электр жарыгы үзгүлтүккө учурабай, туруктуу берилет. Бул тууралуу мэриянын басма сөз катчысы билдирди.

Маалыматка ылайык жаңы конушта төрт трансформатордук подстанциялар орнотулат. Алар менен шаардын 12 жаңы конушун: «Ак-Босого», «Калыс-Ордо», «Ак-Ордо», «Ак-Өргө», «Ак-Бата», «Дордой», «Ак-Тилек-2», «Кайыңды», «Учкун», «Энесай», «Рухий-Мурас» жана «Мурас-Ордо» конуштарын камсыздоо пландаштырылды.

Электр жарыгын камсыз кылуу үчүн бюджеттен 67,5 миллион сом бөлүнгөн.

“Кайыңды” жаңы конушун электр менен туруктуу камсыздоо иштери бүттү. Көпчүлүк жаңы конуштарда 2019 жылдын 1-августуна чейин мындай иштерди бүтүрүү каралууда .

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!