Фактчек: Шар аккан сууга агып кеткен кыз тирүү (видео)

Фактчек: Шар аккан сууга агып кеткен кыз тирүү (видео)
25-Июнь 2019, Шейшемби, 19:41

Шар аккан сууга агып кеткен жаш кыздын видеосу социалдык тармактарда кызуу талкууга алынып жатат. Бул видео бир нече жергиликтүү интернет сайттарга жайгаштырылды.


Бирок бул видео 2017-жылдын 16-майында Американын Колорадо штатында тартылганын жана сууга агып кеткен кыз тирүү экенин ZAMAN.KG маалымат агенттиги аныктады. Видеонун автору америкалык Мэри Чиза (Chisa Tolbertson) аттуу кыз болуп чыкты. Көрсө ал спорттун йога түрүнө кызыгат экен.

Ал өзүнүн Tvitter баракчасына окуя тууралуу пикирин калтырып: “Эгер йоганын сүрөтү on America's Funniest Home Videos»тун күлкүлүү ролигине керек болбосо, мен муну жасабайт элем”, - деп жазган.

Бул видео интернетте популярдуу боло баштаганда өзүнүн саламаттыгы жакшы экенини билдирип, жаңы сүрөтүн киргизген.

Мэри Чиза ырдоого да кызыгат.

Бүтүм: Сууга агып кеткен америкалык кыз тирүү. Видео Кыргызстандын аймагында чөгүп кеткен кыз болушу мүмкүн деген божомол туура эмес.

.Маалымат үчүн:

“America's Funniest Home Videos” берүүсү “American Broadcasting Company” телеканалына таандык теледолбоор болуп эсептелинет. Анда ар кандай күлкүлүү видео роликтер көрсөтүлүп турат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!