ЦУМдун жанында сабалган чет өлкөлүк жаран көз жумду

ЦУМдун жанында сабалган чет өлкөлүк жаран көз жумду
5-Июль 2019, Жума, 09:55

Бишкектеги «Айчүрөк» соода борборунун жанында сабалган нигериялык жаран көз жумду.

Али Тижжани Абубукар Бишкектеги «Кембридж скул» (Cambridge School) тил үйрөтүүчү мектебинин директору болгон. Ал 1985-жылы Нигерияда туулган. Анын артында жубайы жана 2 кызы калды.

Эскерте кетсек, 2-июль күнү «Айчүрөк» соода борбору тараптан аны белгисиз адам сабаган. Жаакка урулган соккудан кийин асфальтка башы менен жыгылганын күбөлөр айтып беришкен. Улуттук госпиталга оор жаракат абалында жаткырылган.

Свердлов РИИБдин кызматкерлери тарабынан 3-июль күнү Чүй облусунда 1997-жылы туулган К.Э. аттуу жигит шектүү катары кармалган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР