​Ысык-Көлдөгү кырсыктан үч жигит көз жумду

​Ысык-Көлдөгү кырсыктан үч жигит көз жумду
8-Июль 2019, Дүйшөмбү, 16:51

Ысык-Көл областында «Лексус ES 300» жана «БМВ» автоунаалары кагылышып үч жигит каза болду. Бул тууралуу аталган областтын ички иштер башкармалыгы билдирди.

Маалыматка ылайык, 7-июль күнү саат 04:35тер чамасында Балыкчы-Ананьево-Каракол унаа жолунда «Лексус ES 300» жана «БМВ» үлгүсүндөгү автоунаалар кагылышкан.

«БМВ Х7» автоунаасын Х.Э. аттуу 1996-жылы туулган айдоочусу батыш тарапка карай бара жатканда «Лексус ES 300» унаасы менен кагылышкан. Анын айдоочусу, 1995-жылы туулган Б.Н. аттуу жигит болгон.

Кырсыктын кесепетинен улам «Лексус ES 300» унаасынын айдоочусу, андан тышкар 1995-жылы туулган эки жүргүнчү жигит каза тапты. Ошондой эле бир жүргүнчү ооруканага жеткирилди.

«БМВ Х7» унаасынын айдоочусу жана досу жабыркаган эмес.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!