Молдакун Абдылдаевдин жубайынын сөөгү табылды

Молдакун Абдылдаевдин жубайынын сөөгү табылды
11-Июль 2019, Бейшемби, 09:53

Көкөмерен дарыясына унаа менен агып кеткен Чүй облустук администрациясынын аппарат башчысы Молдакун Абдылдаевдин жубайы Тинатин Шадыканованын сөөгү табылды. Бул тууралуу Өзгөчө кырдаалдар министрлиги билдирди.

Маалыматка ылайык, кечээ Арал айылынан эки чакырым алыстыктагы Көкөмерен дарыясынан аял кишинин сөөгү табылды. Издөө иштерин жүргүзүү үчүн ӨКМден жалпы 102 куткаруучу тартылган.

Эскерте кетсек, 30-июнь күнү Көкөмерен дарыясына Молдакун Абдылдаев жубайы, уулу, небереси жана айдоочусу менен кетип бара жатып унаа менен сууга кирип кеткен. Абдылдаев менен айдоочусунун сөөгү эки күндөн кийин табылып, 8 жаштагы небересинин сөөгү 4-июль күнү табылган. Ал эми жубайы менен уулунун сөөгү 10 күндөн бери изделип жаткан.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!