“Пикеттин эмес, китептин аянтын курабыз” аттуу иш-чара өтүп жатат

“Пикеттин эмес, китептин аянтын курабыз” аттуу иш-чара өтүп жатат
16-Авг. 2019, Жума, 13:32

Маданият, маалымат жана туризм министрлигинин колдоосу менен “Пикеттин эмес, китептин аянтын курабыз” аталышындагы иш-чара өтүп жатат.

Бул долбоор 15-август күнү Т.Абдумомунов атындагы Кыргыз Улуттук академиялык драм театрында өттү. Иш-чараны “Бир адамдан – бир китеп” долбоорунун уюштуруучулары колго алып, “Китепкөй Ала-Тоо” өнөктүгүнүн алкагында жүрүүдө.

Маданият, маалымат жана туризм министрлигинин орун басары Нуржигит Кадырбеков:

“Биз быйыл КМШда эң көп китеп окуган өлкө болобуз, буюрса. Министрлик жаштардын пикеттин эмес китептин өлкөсүн куралы деген демилгесин колдоп жатат” – деп билдирди.

Иш-чаранын соңунда Ала-Тоо аянтында Кытай Эл Республикасында билим алып жаткан кыргыз студенттери топтогон каражатка алынган китептерди Кыргыз-Тажик чек арасындагы бир айлык мектебине тапшыруу аземи болду.

Ал эми бул долбоор Маданият, маалымат жана туризм министрлигинин колдоосу менен үзгүлтүксүз негизде Кыргызстан боюнча улана бермекчи.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!